ပြေတီဦး ပညာရေးဖောင်ဒေးရှင်းအဖွဲ့ ပညာသင်စရိတ်ထောက်ပံ့ငွေ လျှောက်ထားလိုသူများအတွက်
စည်းကမ်းချက်များ ထုတ်ပြန်ကြေညာ

     ပြေတီဦး ပညာရေးဖောင်ဒေးရှင်းအဖွဲ့သည် ပညာသင်စရိတ် အမှန်တကယ်လိုအပ်သူများအား ထောက်ပံ့ပေးနိုင်ရန်အတွက် ရည်ရွယ်ချက် ကောင်းကောင်းဖြင့် တည်ထောင်ခဲ့သည့် ဖောင်ဒေးရှင်းတစ်ခု ဖြစ်ပါသည်။ အဓိကအားဖြင့် အခြေခံပညာအထက်တန်းစာမေးပွဲကို အမှတ် ကောင်းကောင်း ဖြင့် အောင်မြင်ခဲ့ပြီးနောက် ဆေးတက္ကသိုလ်သို့ တက်ရောက်ရန် အခက်အခဲရှိသူများအတွက် ရည်ရွယ်ခြင်းဖြစ်သည်။ ၂၀၁၂-၂၀၁၃ ပညာသင်နှစ် တွင်  ဆေးတက္ကသိုလ် သို့ တက်ရောက်ရန် အခက်အခဲရှိသော ကျောင်းသား၊ ကျောင်းသူ ၁၀ ဦးတို့အား တတိယအကြိမ် ထောက်ပံ့မည်ဟု ဖောင်ဒေးရှင်း မှ ဆုံးဖြတ်ထားသဖြင့် အောက်ဖော်ပြပါ အချက်အလက်များနှင့် လျှောက်ထားနိုင်ကြောင်း ပြေတီဦးပညာရေးဖောင်ဒေးရှင်းအဖွဲ့မှ ကြေညာချက် ထုတ်ပြန်ခဲ့သည်။

(၁)    မိမိကိုယ်တိုင်ရေးသားသည့် လျှောက်လွှာဖြင့် လျှောက်ထားရန်

(၂)    အခြေခံပညာ အထက်တန်းစာမေးပွဲ အောင်မြင်ခဲ့သည့် အမှတ်စာရင်း မိတ္တူ

(၃)    ဆေးတက္ကသိုလ်တက်ရန်အတွက် ငွေကြေးအခက်အခဲရှိကြောင်း မိမိနေထိုင်ရာ ရပ်ကွက်အုပ်ချုပ်ရေးမှူးရုံးမှ ထောက်ခံစာ

(၄)    မိဘ (သို့)  အုပ်ထိန်းသူများအနေဖြင့် မိမိတို့ သား၊သမီး အား ဆေးတက္ကသိုလ်တွင် ပညာသင်ကြားနိုင်ရေးအတွက် အမှန်တကယ် အခက်အခဲရှိ နေကြောင်း ၀န်ခံချက်။

(၅)    တစ်နှစ်တစ်တန်းအောင်မြင်ရန် တာဝန်ယူကြောင်းနှင့် စာမေးပွဲကျပါက နောက်နှစ်တွင် ထောက်ပံ့ကြေးရရှိမည် မဟုတ်သည်ကို သိရှိပါကြောင်း ကျောင်းသား၊ ကျောင်းသူ ကိုယ်တိုင် ၀န်ခံချက် (သက်ဆိုင်ရာ တက္ကသိုလ်မှ ကျောင်းခေါ်ချိန် မပြည့်မီသဖြင့် စာမေးပွဲ ဖြေဆိုခွင့် မရရှိလျှင်လည်း စာမေးပွဲကျသည်ဟု မှတ်ယူမည်။)

(၆)    အခြား လူပုဂ္ဂိုလ်/အဖွဲ့အစည်း ၏ ထောက်ပံ့မှု ရယူထားခြင်း မရှိပါကြောင်း ၀န်ခံချက်

(၇)    ပညာသင်ကြားနေစဉ်အတွင်း ပါတီနိုင်ငံရေး လုပ်ဆောင်ခြင်း ပြုလုပ်မည်မဟုတ်ကြောင်း ၀န်ခံချက်

(၈)  ဆေးတက္ကသိုလ်တွင် ပြေတီဦး ဖောင်ဒေးရှင်း၏ ထောက်ပံ့ငွေဖြင့် ဆရာဝန်ဖြစ်သည်အထိ အထောက်အပံ့ ရယူပြီးနောက် ဘွဲ့ရရှိလာချိန်တွင် အနည်းဆုံး ၅ နှစ် မိမိနိုင်ငံအတွင်း၌သာ မရှိနွမ်းပါးသော ပြည်သူများ၏ ကျန်းမာရေးကို ဦးစားပေး  စောင့်ရှောက်သော ဆရာဝန်အဖြစ် လုပ်ကိုင်မည်ဖြစ်ကြောင်း ၀န်ခံချက်

(၉)   ကျောင်းသား၊ ကျောင်းသူ ၏ ပတ်စပို့ဓာတ်ပုံ (၃) ပုံ

နှင့်ပူးတွဲ၍ ရန်ကုန်မြို့၊ ကျောက်တံတားမြို့နယ်၊ ဗိုလ်ချုပ်အောင်ဆန်းလမ်းနှင့် ၃၅ လမ်းထိပ်ရှိ စိန်ဌေး ရုပ်ရှင်နှင့် ဗီဒီယိုထုတ်လုပ်ရေး သို့ ပေးပို့  လျှောက်ထားကြရမည် ဖြစ်သည်။ ၂၀၁၂ ပြည့်နှစ် အောက်တိုဘာလ ၃၀ ရက်နေ့  နောက်ဆုံးထား လျှောက်ထားရမည် ဖြစ်သည်။

လျှောက်ထားသည့် ကျောင်းသား၊ ကျောင်းသူများအနက်မှ ၁၀ ဦး ရွေးချယ်သွားမည်ဖြစ်ပြီး ထောက်ပံ့ငွေရရှိသူများကို ၂၀၁၂ ခုနှစ်၊ နိုဝင်ဘာလ ၃၀ ရက်နေ့တွင် ရန်ကုန်မြို့၌ အခမ်းအနားဖြင့် ပေးအပ်သွားမည် ဖြစ်ကြောင်း သိရသည်။

 

ပညာသင် ထောက်ပံ့ကြေး ရရှိကြသည့် ကျောင်းသား၊ ကျောင်းသူ များ
လိုက်နာရမည့် ၀န်ခံချက်များ
 

၁။    တစ်နှစ်တစ်တန်း အောင်မြင်ရန် တာဝန်ယူကြောင်းနှင့် စာမေးပွဲကျပါက နောက်နှစ်တွင် ထောက်ပံ့ကြေးရရှိမည် မဟုတ်သည်ကို သိရှိပါကြောင်း (သက်ဆိုင်ရာ တက္ကသိုလ်မှ ကျောင်းခေါ်ချိန် မပြည့်မီသဖြင့် စာမေးပွဲ ဖြေဆိုခွင့် မရရှိလျှင်လည်း စာမေးပွဲကျသည်ဟု မှတ်ယူမည်။)

၂။    ပညာသင်ကြားနေစဉ်ကာလာအတွင်း အိမ်ထောင်မပြုရန် ၀န်ခံချက်။

၃။    ပညာသင်ကြားနေစဉ်အတွင်း ပါတီနိုင်ငံရေးလုပ်ဆောင်ခြင်းပြုမည် မဟုတ်ကြောင်း ၀န်ခံချက်။

၎။    ဆေးတက္ကသိုလ်တွင် “ ပြေတီဦး ပညာရေးဖောင်ဒေးရှင်း” ၏ ထောက်ပံ့ငွေဖြင့် ဆရာဝန် ဖြစ်သည်အထိ အထောက်အပံ့ရယူပြီးနောက် ဘွဲ့ရရှိလာချိန်တွင် အနည်းဆုံး ၅ နှစ် မိမိနိုင်ငံအတွင်း၌သာ ပြည်သူများ၏ ကျန်းမာရေးကို စောင့်ရှောက်သော ဆရာဝန်အဖြစ် လုပ်ကိုင်ရမည်ဖြစ်ကြောင်း ၀န်ခံချက်။